“Music Sessions #53” është hiti më i ri i yllit të popit Shakira që po korr sukses të padiskutueshëm, duke arritur thuajse miliona shikime në YouTube që nga momenti i publikimit. Kënga e hakmarrjes siç e kanë konsideruar kritika dhe fansat, i dedikohet ish-partnerit të saj Gerard Piqué, i cili e tradhtoi me një 22-vjeçare, të quajtur Clara Chia.
Pas zhurmës që bëri me këtë këngë tashmë xhiron e rrjetit orët e fundit po e bën një video e vjetër në të cilën shihet nëna e Piqué, Monserrat Bernabeu duke bërë një gjest jo të hijshëm ndaj Shakirës. Ajo e kap nga nofulla këngëtaren dhe më pas ia bën me gisht të pushojë.
Videoja ka ngjallur reagime të ashpra. Komentuesit në rrjete sociale shprehen se Shakira është keqtrajtuar nga vjehrra prandaj edhe pak javë më parë vendosi një manekinë të një shtrige të zezë në ballkonin e shtëpisë së saj në Barcelonë, e cila shikon drejtpërdrejt nga shtëpia e ish-vjehërrve të saj.
Por lufta mes tyre nuk ndalet këtu. Këngëtarja e njohur ka vendosur që dy fëmijët e saj nuk duhet ta thërrasin “gjyshe” mamanë e Piqué-s. Veprimi i këngëtares duket i pakuptimtë për gjyshen e fëmijëve, e cila shprehet se ka bërë të pamundurën që djali i saj dhe Shakira ta shpëtonin marrëdhënien e tyre për te ecur bashkë përpara.
